ACTOR NAVEED: August 2014

മമ്മൂട്ടിയുടെ മുന്നറിയിപ്പ് : മലയാള സിനിമാ ലോകം ശീലിച്ചു പോന്ന ആസ്വാദനശീലങ്ങളില് നിന്നു വഴികുതറി, ബഹളമയമാകാതെയും അശ്ലീലമാഘോഷിക്കാതെയും ചിരിപ്പിച്ചും ചിന്തിപ്പിച്ചും മുന്നേറുന്ന സറ്റയര് ആണ് ചിത്രം. പതിഞ്ഞ താളത്തില് സഞ്ചരിക്കുന്ന ഈ ചിത്രം മസാല ചിത്രങ്ങളുടെ ആരാധകര്ക്ക് ഇഷ്ടപ്പെടാന് സാധ്യത കുറവാണ്. കഥയുടെ ആദ്യം മുതല് അവസാനം വരെ മമ്മൂട്ടി അഭിനയിക്കുകയായിരുന്നില്ല. രാഘവന് എന്ന നിഗൂഢതകള് നിറഞ്ഞ മനുഷ്യന്റെ സൂക്ഷ്മ ഭാവങ്ങളുമായി മമ്മൂട്ടി നടത്തിയ പകര്ന്നാട്ടം അസാധ്യമായിരുന്നു. മുന്നറിയിപ്പ് മലയാളത്തിലെ മികച്ച സിനിമാനിരയിലേക്ക് . രാഘവൻ എന്ന ദുരൂഹത നിറഞ്ഞ കൊലയാളിയായി മമ്മൂട്ടി കസറി . സിനിമ കഴിഞ്ഞിറങ്ങിയപ്പോൾ ഉള്ളിലൊരു ഞെട്ടൽ ; രാഘവൻ പിറകിലുണ്ടന്നൊരു മുന്നറിയിപ്പ് പോലെ ...... നാട്ടിലായാലും വീട്ടിലായാലും വിപ്ലവം നടക്കാൻ ചോര ചിന്തണം . അതാണ് രാഘവന്റെ ന്യായം . ജീവിതത്തിന്റെ സ്വസ്ഥമായ സ്വാതന്ത്ര്യത്തിനുവേണ്ടി ഓരോ തടസ്സങ്ങളും അയാൾ ഇല്ലാതാക്കി . ഇതൊരു മുന്നറിയിപ്പാണ് ; കുറ്റവാളികളിലെ ദുരൂഹതയെ കുറിച്ചുള്ള മുന്നറിയിപ്പ് . മികച്ച സംവിധാനം .
ഇന്ത്യൻ സിനിമക്ക് മലയാള സിനിമയുടെ മുന്നറിയിപ്പ്! മലയാള സിനിമയുടെ ആവിഷ്ക്കാര രീതി പൊളിച്ചെയുതിയ സിനിമ മുന്നറിയിപ്പ്. ഒറ്റ വാക്കിൽ പറഞ്ഞാൽ "അതിമനോഹര ചിത്രം" രണ്ടാം ദിവസം മൌത്ത് പബ്ലിസിറ്റിയിലൂടെ പടം കേരളത്തിൽ അങ്ങോളം ഇങ്ങോളം ഹൗസ്ഫുൾ ഷോ കൊണ്ട് നിറയുന്നു..

Wednesday, August 27, 2014